Actividades
** BRINCADEIRA ** , UN GRAN EVENTO CULTURAL PARA TODOS OS PÚBLICOS!
Neste 2010 apostamos de novo pola vangarda artística, non só coas actuacións musicais, senon tamén contando con diferentes actividades relacionadas co mundo das artes, todas e cada unha delas gratuítas: graffiti, street art, audiovisuais, tattoo, moda..., daranse cita en diferentes localizacións da vila de Ordes os días 6 e 7 de Agosto.
-------------------------------------------------------------------------------------------------------
XA PODES RESERVAR A TUA PRAZA PARA A FEIRA DE MOSTRAS .
CONTACTO prensa@icebergaudiovisual.com
-------------------------------------------------------------------------------------------------------
** DESORDES CREATIVAS ** Certame de arte urbano
DESORDES CREATIVAS é un certame de arte urbano que se celebrará en Ordes os días 6 e 7 de Agosto, dentro das actividades do Brincadeira.
A
filosofía do certame é dar cabida a tódalas disciplinas artísticas
dentro deste eido, xa sexa graffiti, pintura, stencil, poster art,
pegatas, performances, escultura, instalacións, intervencións, etc... e
pretende servir de escaparate para potenciar o arte da rúa e dar a
coñecer a obra de tódolos artistas participantes no certame.
Para
elo, contamos con distintas localizacións esparexidas dentro do casco
urbano da vila, nas que os artistas participantes desenrolarán as súas
obras, convertindo deste xeito a Ordes nunha galería de arte ao aire
libre.
Os artistas traballarán ao longo dos dias 6
e 7 de agosto, dende pola mañan ata o anoitecer, e o público asistente
poderá observar o proceso de realización de cada obra, movéndose polas
distintas localizacións da vila nas que se intervirá.
Éste será
o primeiro ano de vida deste certame, e os medios cos que contamos non
son demasiados, pero a pretensión por parte dos que o organizamos(www.mutantecreativo.com) é que ano tras ano vaia medrando en medios, calidade e difusión.
É importante recordar que para esta edición do Brincadeira,
espérase unha grande afluencia de público durante os dous días que dura
o festival, xa que na edición anterior acudiron ao redor dunhas 25000
persoas, e para este ano 2010 agárdase que como mínimo se igualen estas
cifras, o cal é un factor a ter en conta para os artistas
participantes, xa que a difusión das obras será notable.
Todos aqueles que estedes
interesados en participar podedes mandar as vosas obras, propostas,
bocetos, etc..e a poder ser os links aos vosos fotologs, blogs,
webs,etc.. enviando un correo electrónico a esta dirección: info@mutantecreativo.com
Por
motivos de espacio, recursos e calidade artística, levarase a cabo unha
selección das obras recibidas por parte do equipo de MUTANTE e
elixiranse aos artistas ou colectivos que se consideren máis
interesantes para participar nesta edición do certame.
De
tódolos xeitos, agradecemos de antemán a vosa colaboración e
recordámosvos que a organización está aberta a calquer proposta
artística, colaboración, suxestión,etc... que queirades levar a cabo no
certame ou facernos saber.
Nada máis polo momento,
KEEP IT REAL! e saúdos mutantes!!!
